GRITUS 自動售賣機 加盟 科技 利潤 廣告 團隊 呃人 手法 大數據 出租 地點進駐 香討 高登 lihkg 雲端管理 回報 創業 智能售賣機 Smart Vending 創新

GRITUX (甚麼智能售賣機加盟)，我認為極其惡劣對待加盟者的手法，收咗錢理得你死。這班自恃熟悉網上世界之徒肯定投訴這blog，企圖令本blog關閉，讓他們可以繼續以惡劣手法對待其他加盟者。

話說係2017年5月果時有一日上AASTXXX睇股票果時，彈左個廣告出黎，關於全新智能售賣機，見幾吸引咪禁入去囉，留左資料。之後冇耐就人打黎喇，問係咪有興趣了解。上到去佢地Office聽左同事present，原來係幫一間叫GRITUX智能售賣機推銷做呢個Project項目加盟。

聽完之後，覺得都特別，又有新意，感覺好過買股票。入場門檻又唔係高，每個月預計有幾千回報，投資一部都係幾萬蚊，其實個concept 係幾好，零售加廣告都真係唔錯，又有保證回報。之後第二日就比左Ｄ訂金，佢地話預計7、8月會有機架喇。

咁去到8月打返比XAPP 的人啦問係咪有機啦，跟住原來GRITUX的人話技術問題要等多個幾月咁啦。ＯＫＬＡ咁都冇辦法啦咪唯有繼續等下囉，果時都冇咩野。咪繼續等囉，去到9月又話未有果時都開始覺得有古怪，去到10月再問佢地啦，之後XAPP的人話之後要由GRITUX 直接聯絡，佢地要求，其實我開始覺得奇怪，係咪有咩問題，不過佢地話GRITUX想自己跟返，咁之後就同GRITUX既人聯絡，佢地一聯絡就話有機架喇，可以安排簽正式合約，咁好啦果日就帶埋支票去土瓜灣比第二期錢啦，一上去到七角咁亂，都唔知咩公司黎，事後諗返都好似呃人公司，房都冇間，就叫人係門口簽得好寒酸咁簽返電子版合約，成個感覺就好似果Ｄ直銷騙局咁，簽約時又話揀地點又咩又物，佢地話11月可以落地，總之就想我快D俾錢，好啦揀完點，點知收左錢成日搵GRITUX佢都唔覆機，打比佢又唔聽。成件事好無助，係咁搵佢又唔覆啦，之後搵XAPP既人幫手，佢地講番話GRITUX都唔覆佢地，直到今年1月突然又話揀既點落唔到呀，又比我再揀，其實都幾嬲，但又冇野可以做到，又成日搵佢地唔覆，淨係要俾錢先會搵你。我同佢講，喂你果時應承貨不對版可以攞番錢，佢地就話唔係噃，你已經揀咗點無得攞番(但個點根本無落到去)。跟住又攞個LIST迫我再揀，咁我無辦法啦又再揀啦，問佢幾時有得落地，佢地又話２月，到2月又唔見左影，一直搵佢地都搵唔到，whatsapp唔覆電話唔聽，facebook就hide留言。

成個感覺好似比人呃左咁，其實我自己覺得D 機遲左係唔緊要，科技既野有遲係明白，但GRITUX成日唔見左人，或者消失左好似想走佬咁，好唔負責，成個態度就係理得你死，個創辦人乜乜就成日上報紙話自己咩一年千萬生意，果千萬生意其實就係收咗我地D加盟錢唔交機唔應機。就算第時真係有機落左地都好唔放心交比佢地，因為佢真心理得你死。

後尾我上討論區睇，唔知點解有人遲過我簽約但話有機，我真心堅唔明，因為當日佢明明話分機會順住簽約日期，一係佢係打手，一係根本黑箱作業。總之呢班人極其古惑，恃住自己識少少IT，會將自己包裝到美輪美奐，講得件事好好聽。我唔希望有人再好似我咁，俾人玩咗一年，錢又俾咗，中伏得個吉。